Roĝer Borĝes: Blog

Verva Virino (beta)

Mon, 12 May 2008 18:41:37 GMT

Komence de Majo estis registrita en brazila muzik-studio la kanto "Verva Virino". Kantas ĝin Tone, kiu ankaŭ verkis la tekson, korektita de James Piton (dankon karuloj!). La finan rezulton oni nur aŭskultos kiam la Hip-Hopa Kompilo de Vinilkosmo aperos, sed ĉiokaze ĝi estas planita jam por la venonta eŭropa somero de 2008.

Intervjuo en hispana nacia televido

Sun, 02 Mar 2008 19:48:08 GMT

Hieraŭ posttagmeze Roĝer Borĝes estis intervjuita de hispana nacia televido pri dancmuziko en Esperanto. Krom respondi kelkajn demandojn en Esperanto, ankaŭ estis registrita demonstracian performon de disk-ĵokeado kaj video-ĵokeado. La prezentita kanto estis "Martin Wiese - Homoj Kiel Mi (Roĝer Borĝes Mash-Up)". La raporto aperis kadre de la programo "Informativos de La 2" ĉe TV2 en Hispanio. Spektu la videon en YouTube.

Ipernity

Fri, 16 Nov 2007 16:23:04 GMT

Mi ekpensas translokigxi al Ipernity... MySpace vere malbonas kiel ilo.

DĴ Roĝer Borĝes en Portugalio

Mon, 08 Oct 2007 11:57:50 GMT

Sabato la 12a de Oktobro 2007 @ Discoteca Zona T

Viana do Alentejo (proksime de "Évora"), PORTUGALIO

DJ Roger Borges (BR) - Tribal House, Trance

DJ Alex J (PT) - Latin, Electro

Ekde 23:30 5 € enirkotizo

Reveno el MySpace

Mon, 08 Oct 2007 11:54:47 GMT

MySpace estas terura!! Kial ĉiuj registriĝas tie? Diversaj aspektoj de la servo malbonas, ekzemple oni nur povas vidi venontajn koncertojn, sed kial oni ne rajtas vidi pasintajn? La blogo ne permesas aldoni fotojn en ĝi mem, oni ĉiam devas elŝulti bildojn ie ajn... Kaj tro multe da ĝenaj anoncoj... Do, mi klopodos sinkronigi informojn en ambaŭ paĝaroj (kaj MSN kaj MySpace), ĝis kiam MySpace pliboniĝos.

Translokigxo al MySpace

Sat, 14 Jul 2007 09:23:42 GMT

La retejo de Rogxer Borgxes translokigxis al MySpace. Tio inkluzivigas la blogon, kalendaron kaj MP3-dosierojn. La nova adreso estas: http://www.myspace.com/rogerborges . Bonvole aktualigu vian adresaron, dankon.

Bonvenon al la gxangalo

Sat, 21 Apr 2007 15:10:01 GMT

En Aprilo 2007 mi finfine konis parton de mia lando, kiun ne multaj Brazilanoj vizitis: Amazonio. Oni cxiam auxdas pri la detruo de la gxangalo, pri la indigxenaj popoloj kaj pri la nekredeble bela naturo, kaj pro tio mi volis vidi gxin per miaj propraj okuloj.

Nova video pri AS

Thu, 29 Mar 2007 16:13:31 GMT

Jen bonega nova video pri AS fare de Varsovia Vento. Roĝer diskotekas "Mais Que Nada", remikse de na Black Eyed Peas. Kia etoso! Kia neforgesebla silvestro!

Nova trip-hopa remikso en Varsovia Vento

Sun, 18 Mar 2007 11:01:33 GMT

La 17a podkast-elsendo de Varsovia Vento premieras novan remikson de Roĝer Borges! Temas pri "Martin Wiese - La Beleco (Trip-Hop' Remiks')" el lia lasta albumo "Pli Ol Nenio". La kanto memorigas nin pri aliaj trip-hopaj artistoj kiel Massive Attack, Portishead aŭ Morcheeba.

Nova disko de Martin Wiese (Persone)

Thu, 15 Feb 2007 12:51:35 GMT

Hodiaŭ aperis la nova disko de Martin Wiese (la kantisto de Persone), "Pli ol Nenio". En la disko troviĝas kiel multmedia aldonaĵo la kanto "Homoj Kiel Mi (Roĝer Borĝes Remiks')", laŭ la muzikstilo 'Progressive House'. Eblas vidi videan intervjuon kun Martin en Farbskatol' kaj aĉeti la diskon ĉe Vinilkosmo. Daŭre roku, Martin!

"Supernova" ĉe Radio Verda

Wed, 24 Jan 2007 10:19:14 GMT

Roĝer Borĝes estis intervjuita de Arono por Radio Verda (el Kanado). La ĝenerala temo de epizodo RV093 estis la Internacia Seminario 2006 en Germanio, kaj la peco "La Vetemulo" de Supernova estis prezentita al la publiko.

Penso por 2007

Fri, 12 Jan 2007 12:05:47 GMT

"Posedu nur tion, kion vi povas kunpreni ĉe vi; sciu lingvojn, vizitu landojn, konu amikojn. Via memoro estu via vojaĝ-valizo." -- Aleksandr Solzhenitsyn.

AS 2006 en Pollando

Wed, 03 Jan 2007 17:12:43 GMT

Nu TIO estas Novjara Festo!!! Freŝa muziko, sensualaj danc-movoj kaj neforgesebla etoso!!!!! Espereble iam venos fotoj - mi mem ravis tiel multe, ke mi entute forgesis la fotilon... Por imagi kiel estis la festo, vidu la klipojn "Slave 4 U" de Britney Spears kaj "Sexy Back" de Justin Timberlake. Fakte kiam mi disk-ĵokeis tiujn videojn, la dancejo iĝis varma, varmeeeega!

IS 2006 en Germanio

Wed, 03 Jan 2007 17:04:15 GMT

Jen foto de nia diskoteko dum IS 2006 en Germanio, estis tre agrabla festo en la kastelo. La teknika nivelo estis ege alta kaj profesia, kunigante muzikon, videon kaj lumon. Haŭz-muziko kaj Esperanto neniam estis tiel proksimaj!

Vojaĝo al Jordanio

Mon, 11 Dec 2006 12:39:51 GMT

Mi ĵus revenis el Jordanio! Mi vizitis inter aliaj urboj "Petra", monda heredaĵa loko. Kaj nun mi multe pli bone komprenas la problemojn de tiu mondoparto, ĉefe la konflikto inter Israelo kaj Palestino. Estis neforgesebla aventuro!

AS aŭ IS? Do... ambaŭ!

Mon, 23 Oct 2006 15:20:33 GMT

Roĝer Borĝes estas konfirmita por koncerti en du jarfinaj eventoj de 2006. Vendredo, la 29a de Decembro, la artisto denove puŝos la limon de multmediaj artoj kadre de la Internacia Seminario (IS) en Wewelsburg, Germanio. La specialan prezenton faros VĴ Roĝer Borĝes, DĴ Leo Sakaguchi kaj LĴ Gavan Fantom (video, muziko kaj lumoj, respektive). Du tagoj poste, je Dimanĉo la 31a de Decembro, Roĝer disk-ĵokeos en la silvestra festo de Ago Semajno (AS), en Nowy Sącz, Pollando. La feston gvidos MC Irmina Szustak (Majstrino de Ceremonioj). Por pliaj informoj, vizitu la retpaĝojn de la eventoj.

Reta rendevuo kun Supernova

Sat, 21 Oct 2006 21:50:56 GMT

Fanoj havos oportunon rete renkonti kaj babili kun Supernova. Tuj post la lanĉo de la disko, la grupo partorprenos Interretan kunvenon por paroli pri la projekto, disko, muzikvideo ktp. Dimanĉe la 22an de Oktobro, je la 18:00 horo laŭ Universala Tempo (GMT), ĉe www.babilejo.org en la unua ĉambro ("Internacia lingvo - Esperanto").

Nova disko: Supernova!

Sat, 21 Oct 2006 21:46:18 GMT

Supernova estas freŝa rokbando el Brazilo, kiun anas Rogener Pavinski (voĉo kaj basgitaro), Ale Mancini (elektrogitaro) kaj Roĝer Borĝes (drumo kaj sintezilo). La sono kelkfoje memorigas nin pri U2, Coldplay, Paradise Lost aŭ Radiohead, kun vigla voĉo, frapaj gitaraj akordoj kaj elstara muzikproduktado. La debuta albumo, titolita samkiel la bando-nomo, estis registrita dum 3 jaroj en diversaj studioj de Eŭropo kaj Ameriko kaj finfine lanĉita en Oktobro 2006 de Vinilkosmo.

La unua laborkanto nomiĝas “Pasio en Katen’”, kanzono kiu malfermas la diskon kaj estas bona enkonduko al la muzikstilo de la grupo. Krom la 13 kantojn kiuj konsistas la albumon, la disko ankaŭ enhavas la unuan profesie faritan videoklipon en Esperanto, kaj pro tio jam fariĝas vera mejloŝtono en la historio de nia movado.

La disko aĉeteblas ĉe Vinilkosmo kaj la videoklipo videblas ĉe la Farbskatol'.

Nova podkasto en Esperanto

Wed, 06 Sep 2006 12:24:54 GMT

Mi ĵus lanĉis novan podkaston! Ĝi temos pri la plej mojosaj aferoj de la vivo: homoj, lokoj kaj muzikoj. Per Esperanto, ni vojaĝos tra la tuta mondo, vizitante unu landon po epizodo. La unua numero parolas pri BOSNIO, kaj kompreneble pri IJK! Krom Bosna muziko, la programo enhavas intervjuojn kun Amir Hadziahmetovic (Esperanto-Desperado), Haris Subašić (LKK) kaj Leo Sakaguchi (dĵ).

Roĝer Borĝes Podkasto aŭskulteblas ĉe

http://www.rogerborges.com

sed la rekta ligo por la "feed" estas: http://feeds.feedburner.com/RogerBorgesPodkasto

kaj oni povas elŝulti ĝin laŭ MP3-dosiero, aŭ subskribi per iTunes, Yahoo Music, iPodder, Odeo, PodNova, NeVibes kaj multaj aliaj eblecoj...

Mi esperas, ke vi ŝatos ĝin!

Freneza somero en Bosnio

Mon, 14 Aug 2006 16:51:42 GMT

IJK2006 estis por mi la plej bona esperanto-renkontiĝo de la monda historio!!! La ejo estis bonega, la programo tre riĉa, la homoj ege simpatiaj... Kaj la diskoteko, la plej plena. Ses aŭ sep sinsekvaj noktoj? Mi ne memoras, sed la lasta nokto restos neforgesebla... Imagu: jen la sepa matene, sonas haŭza muziko, jen belaj gejunuloj dancante senhalte, la suno supreniras... homoj, el la tuta mondo, kun gajaj ridetoj en siaj buŝoj... mi amas la vivon!! idealistoj neniam maljuniĝos!

Subgrunda Junulara Diskoteko

Mon, 14 Aug 2006 16:39:43 GMT

Kadre de la junulara programo de la UK en Florenco, mi disk-ĵokeis en la lasta nokto. La ejo estis varma, subgrunda, malhela!! Estis fakte bonega etoso... Mi ege ĝojis ke Tone (Antonio Moreira, el Brazilo) akompanis min, ni kantis, hip-hopis kaj igis la publikon freneza! "Es-pe-ran-to, estas nova kanto... Mia, kaj via, la lingvo internacia!!"

Babilado kun la Artistoj

Thu, 03 Aug 2006 09:32:18 GMT

Kadre de la Brazila Kongreso de Esperanto, sukcese okazis la "Babilado kun la Artistoj", sub la gvido de Rogener Pavinski. Partoprenis de la amuza aranĝo la esperanto-artistoj Tone (hip-hopo), Tarcísio Lima (popola brazila muziko), Alejandro Cosavella (voĉo kaj gitaro), JoMo (slava muziko, rokenrolo) kaj Roĝer Borĝes (DĴ, muzik-produktado). Pliajn fotojn pri la junualara programo videblas ĉe la blogo de BEJK (dankon, Jimes!)

Roger Borges en DIESEL

Mon, 26 Jun 2006 18:04:49 GMT

Roĝer Borĝes disk-ĵokeos specialan "Progressive House" seancon en la elstara dancejo Diesel en lia naskiĝurbo 'Campinas', kadre de la monda turneo 2006. La festo okazos je Vendredo, la 14a de Julio kaj baldaŭ aperos flugfolioj, invitiloj ktp.

SUPERNOVA baldaŭ aperos!

Sun, 04 Jun 2006 14:53:26 GMT

Post 3 jaroj en la bakujo, baldaŭ aperos la debuta albumo de SUPERNOVA, la grupo kiun mi muzikproduktadas. 13 malmolaj rokaj pecoj laŭ la stilo de Paradise Lost, Placebo, Coldplay kaj eĉ iomete Depeche Mode. La unua "single" nomiĝas "Pasio en Katen' " kaj la akompana videoklipo estis registrita de la profesia teamo K2 Produções en Brazilo. Pli da detaloj pri la lanĉado (planita por BKE en Campinas) oni liveros post kelkaj tagoj...

Kovrila artikolo en KONTAKTO #2 2006

Wed, 31 May 2006 09:05:06 GMT

En la dua numero de la revuo KONTAKTO en 2006 aperas artikolo verkita de Roĝer Borĝes pri la afrika festivalo de vuduo. Abonantoj de la revuo rajtas elŝuti PDF-version el la retpaĝo de TEJO/UEA.

Nova remikso de Dolchamar

Tue, 23 May 2006 10:56:00 GMT

Hodiaŭ estis liverita nova remikso, kunlabore kun Patrik Austin. Temas pri "Dolchamar - Himno de Esperhe (Roĝer Borĝes remiks')". Elŝutu ĝin rapide ĉar la ligo baldaŭ translokiĝos! La muzikstilo estas 'Progressive House'.

Disk-ĵokeado dum UK en Florenco

Thu, 04 May 2006 09:06:28 GMT

Roĝer Borĝes disk-ĵokeos dunokte dum la venonta Universala Kongreso de Esperanto en Florenco, Italio! La novaj datoj (vendredo kaj sabato, la 4a-5a de Aŭgusto) estis konfirmitaj hodiaŭ de la organiza teamo, danke al Peter Balaz el la eldonejo Espero.

Saluton al Japanio!

Tue, 25 Apr 2006 09:18:50 GMT

Jen mi revene post neforgesebla vojaĝo al JAPANIO! Mi kore dankas al ĉiuj japanaj gastigantoj de Pasporta Servo, baldaŭ mi sendos la promesitan raporton...

Novaj remiksoj

Fri, 03 Mar 2006 15:11:11 GMT

Ĉisemajnfine mi eklaboros en diversaj muzikaj projektoj. En la listo estas novaj remiksoj de Nataŝa, Dolĉamar kaj (konfirmote) Martin Wiese. Mi samtempe ekkunlaboras kun la rusa gitaristo Miĥail Povorin - baldaŭ ni aperigos originalan kanton verkita de li, kiun mi muzikproduktigos. Aliflanke, mi jam verkis du novajn kantojn por la Hip-Hopa Kompilo de Vinilkosmo, kiu laŭ mia sento estos furora albumo en Esperantio. La kantoj enhavos tekstojn kaj voĉojn de Alejandro Cossavella kaj Bjorn Bojessen, kaj espereble, la ege talenta Marteno Miniĥ. Verŝajne 2006 estos jaro de intensa laboro kaj multe da novaj kantoj!

Sukcesa vojaĝo al Afriko

Tue, 17 Jan 2006 12:56:37 GMT

Mi vizitis Beninon pere de Pasporta Servo, kia sperto! Poste mi rakontos pli... neforgesebla aventuro!

Unuaj fotoj de IS 2005

Tue, 03 Jan 2006 10:59:15 GMT

Karaj amikoj, dankegon pro la neforgeseblaj momentoj en Xanten! Jen la unuaj fotoj de mia multmedia dĵ-presentado kaj la bando de Rolf Fantom (KADAKAR). Feliĉan novan jaron!

Kristnaska DĴ-festo

Mon, 26 Dec 2005 19:08:21 GMT

Post la tradicia kristnaska vespermanĝo (Hispanio ne estas laika ŝtato sed katolika), mi disk-ĵokeis en la dancejo OpenClub, kune kun mia amiko Quique Lacerda (DĴ Panta). Estis ege agrabla nokto kaj ni diskĵokeis haŭzo kaj forta tekno (mi mem eĉ ludis kelkajn kantojn de Jeff Mills). La vetero ekster la klubo estis -6ºC !

Novjara festo en Germanio

Fri, 11 Nov 2005 09:14:25 GMT

Finfine estas konfirmita, ke mi disk-ĵokeos ĉe la festo por novjaro de Internacia Seminario (IS) en Xanten, Germanio. Mi ege ĝojas pro tio! Nun nur mankos IJS (en Hungario) al mia "curriculum vitae"...

Debuto en virtuala radio

Wed, 19 Oct 2005 17:15:47 GMT

Inter la 15h kaj la 16h horoj (GMT+1), Roĝer Borĝes disk-ĵokeis unuafoje ĉe Virtual DJ Radio! La afero estis sukcesa kaj espereble oni starigos unu-horan, semajnan programon. Pli detaloj poste...

Music Express

Mon, 17 Oct 2005 11:33:16 GMT

Hodiaŭ mi aperis en la fronta paĝo de "Music Express", ĉar mia albumo Sendependa estas nun disponebla pere de tiu elstara paĝaro pri muziko en Esperanto.

Intervjuo en Radio Polonia

Wed, 10 Aug 2005 14:35:32 GMT

Mi estis intervjuita de Radio Polonia! Krom la parolado, je la fino de la programo ili disaŭdigis mian kanton "Saluton".

KEF 2005

Mon, 25 Jul 2005 08:25:54 GMT

La ĉi-jara KEF estis nekredeble bona evento! Rigardu mian foto-albumon kaj vi tuj konstatos, ke la evento havis la plejmulton da gravuloj po kvadrata metro...

Persone - Revoj (Roger Borges Eletro-Miks')

Wed, 01 Jun 2005 11:26:37 GMT

Mi faris eletro-remiks' de "Revoj", de Persone... Jen la MP3 por via aŭskultado.

La unua dĵ-seanco de la mondo

Wed, 01 Jun 2005 11:09:13 GMT

Mi finfine pretigis unu aferon, kiun mi volis fari de jaroj... La unua plene miksita esperanto-dĵ-seanco de la mondo! Temas pri diskoteka, senhalta muzik-sekvenco.

Jen la kant-ordo:

DĴ ROĜER BORĜES - DANCU POR LA PACO! (2005)
-----------------------------------------------------

01. Bombay Dub - Estu Natura
02. Thievery Corporation - Ave Maria (Roger Borges Esperanto-Miks')
03. Anjo Amika - Jen Mia Pregxo (Fragmento)
04. Persone - Revoj (Roger Borges Eletro-Miks')
05. Solo - Kie Ne Plu
06. Nathalie Bedrune - La Turo de Karol' (Rogxer Borgxes Originala Miks')
07. Dolcxamar - PACMAN (Dancej-Miks')
08. Djx Kunar - Konsilo Por La Vivo
09. Jxomart kaj Natasxa - Papago (Rogxer Borgxes Hauxzo-Miks')
10. Dolcxamar - Tempo Oportunas - (Finnvenko-Miks')
11. Isis Okabe Piton - La Distanco (Rogxer Borgxes Originala Miks')
12. Lunatiko - Auxskultu
13. Rogxer Borgxes - Kio Estas Realo?
14. Lunatiko - Planedo Esperanto
15. Andreas Viklund - La Danco De La Vento
16. Team´ - Volas Ni

Jen la ligo por demo-aŭskultado (1-hora MP3). (Mi neniam vendos ĝin - la ideo estas simple disvastigi esperanto-muzik-kulturon, eble uzante tiun mikson en noktaj diskotekoj, budoj, radio-elsendoj ktp...). Aldone, post la somero mi re-registrigos ĝin, kun kelkaj modifoj sugestataj de amikoj (krom pli perfekta miksado).

Koncerto de Paradise Lost

Wed, 01 Jun 2005 11:00:07 GMT

Hieraŭ mi spektis la koncerton de Paradise Lost, brita bando de gotik-roko. Ili prezentis sian novan diskon "Paradise Lost" (2005) en la eta klubo Arena en Madrid. La sono de Paradise Lost (ekde ĝia disko "One Second") peze influas en miaj nunaj kantoj, kiuj baldaŭ aperos sub la disko "Supernova".